lshb.ch

LIDHJA SHQIPTARE NË BOTË
ALBANISCHER WELTBUND
ALBANIAN WORLD FEDERATION
FÈDÈRATION MONDIALE ALBANAISE
LEGA DEGLI ALBANESI NEL MONDO
Zvicër-Schweiz-Swizerland-Suisse-Svizzera

Shefit të Administratës së Kombeve të Bashkuara në Kosovë
Zot. Dr. Bernard Kouchner

Shumë i nderuar zot. Dr.Kouchner

Lidhja Shqiptare në Botë, me në krye me kryetarin zot. Simon Kuzhnini, e cila me shumë sukses po funksionon në disa shtete të Europës dhe Amerikë, po përcjellë me shumë vëmendje zhvillimin e ngjarjeve në Kosovë, para dhe sidomos pas luftës.

Gjatë analizave të shpeshta që i kemi bërë gjendjes në Kosovë, e sidomos gjatë kësaj periudhe që Ju drejtoni bordin administrativ të Kosovës, kemi konstatuar se Kosova po ecë drejtë një stabilizimi ekonomik dhe rehabilitimi shpirtërorë. Pasojat nga lufta tragjike janë shumë tmerruese, andaj edhe detyrat që janë parashtruar para Jush janë të një përgjegjësie të veçantë.

Duke qenë të vetëdijshëm për misionin Tuaj të shenjt, të cilin po e udhëheqni me plotë dinjitet dhe sukses, kemi nderin dhe kënaqësinë të Ju falënderojmë dhe të shprehim konsideratën tonë të lartë për kontributin Tuaj shumë të çmuar për të cilin janë mirënjohës të gjithë shqiptarët në botë e posaqërishtë ajo pjesë e popullatës e cila drejtëpërsëdrejti ishte e prekur nga kjo luftë e përgjakur në Kosovë.

Është konstatim i të gjithë shqiptarëve, por mendojmë edhe i Juaji, se Kosovë të lirë pa lirimin e të gjithë të burgosurve shqiptarë që vuajnë nëpër burgjet serbe, nuk mund të ketë. Kemi përcjellë me vëmendje të gjitha protestat e shqiptarëve në Kosovë për lirimin e të burgosurve. Ju personalisht i keni përkrahur dhe jeni deklaruar se do të angazhoheni me të gjitha forcat drejtë një zgjidhje fatlume për ta me ç´rast edhe njëherë shprehim falenderimet tona të perzemërta.

Duke u nisur nga sa u tha më lartë, Ju bëjmë me dije se LIDHJA SHQIPTARE NË BOTË për Zvicër është në organizim të një proteste pranë Kombeve të Bashkuara në Zhenevë për lirimin e të gjithë të burgosurve shqiptarë, me ç´rast pritet të marrin pjesë shqipëtarë nga të gjitha shtetet e Europës por konfirmimin për pjesëmarrje e kanë bërë edhe shumë shtetas të huaj.

Kryesia e Lidhjes Shqiptare në Botë ka shprehë dëshirën të takohet me Ju që drejtëpërsëdrejti t´Ju shprehë falenderimet e saj, njëherit për tu konsultuar me Ju rrethë kësaj Proteste që është paraparë të mbahet me datë 21 Tetor 2000.

Do të na bëjshit një nderë të madh nëse këtë javë, përkundër angazhimit Tuaj shumë të madhë, të rezervoni një termin për takimin tonë.

Delegacioni është në këtë përbërje:
1. Simon Kuzhnini (Kryetar i Lidhjes Shqiptare në Botë)
2. Mikel Kuzhnini (Anëtarë i Kryesisë)
3. Prof. Dr. Pajazit Nushi (Kryetar i KMLDNJ në Prishtinë)
4. Prof. Dr. Esat Stavileci (Profesor)
5. Ali Nikoliqi (Kryetar i Lidhjes Shqiptare në Botë për Zvicër)
6. Nazmi Jakurti (Sekretar i Lidhjes Shqiptare në Botë për Zvicër)
7. Bexhet Sallahu (Afarist shqiptar në Zvicër)

Duke Ju përshëndetur përzemërsisht, shpresojmë në konsideratën Tuaj për realizimin e kërkesës sonë.


Lidhja Shqiptare në Botë për Zvicër
Kryetar: Ali Nikoliqi
E-mail: a_nikoliqi@yahoo.com