lshb.ch

LIDHJA SHQIPTARE NË BOTË
ALBANISCHER WELTBUND
ALBANIAN WORLD FEDERATION
Zvicër - Schweiz - Switzerland

TIRANË-20.09.2003-Procesverbal nga mbledhja e Kryesisë së LSHB-së

Mbledhja e rregullt e Kryesisë së LSHB-së

Tiranë 20 shtator 2003


Të pranishëm rreth 60 përfaqësues nga kuvendet e LSHB-së, anëekënd Europës dhe Shteteve të Bashkuara të Amerikës.


P R O G R A M I


19 shtator 2003 - Arritja në Tiranë, vendosja në hotel "Dajti" dhe darka*

Më 20 shtator 2003, ora 9.00 - Seanca e hapjes së mbledhjes së Kryesisë së LSHB
Përshëndetja e Kryetarit të Lidhjes Shqiptare në Botë për Shqipërinë-Dr. Luan Malltezi

Hapja e mbledhjes së Kryesisë dhe njoftimi me rendin e ditës - kryetari i LSHB z. Simon Kuzhnini

Referti: Cështje të organizimit të Lidhjes Shqiptare në Botë-Prof. Dr. Riza Smaka

Pyetje, komente dhe debat rreth referatit

Ora 10.30 - Seanca e dytë

Gjandja dhe problematica aktuale e mërgimtarëve shqiptarë - referon z. Nazmi Jakurti, jur. i dipl.
Pyetje, komente dhe debat rreth referatit

Ora 11.00 Seanca e tretë

Lidhja Shqiptare në Botë për Shqipërinë dhe problemet organizzative të veprimit të sajë-referon Dr. Luan Malltezi
Pyetje, komente dhe debat rreth referatit

Cështja e konstituimit të Këshillit Kombëtar të Lidhjes Shqiptare në Botë - referon Akademik Pajazit Nushi, kryetar i Këshillit Kombëtar të LSHB

Pyetje, komente dhe debate rreth referatit

Plani financiar i Lidhjes Shqiptare në Botë - referon z. Xhevat Gjyshinca

Petje, komente dhe debate rreth referatit

Ora 18.30 Koktej i LSHB në "Dajti"

Kokteji shtrohet për nderë të mysafirëve: Naltmadhëria e tij Mbreti i Shqiptarëve- Leka Zogu, Kryetari i Kuvendit Popullor të Republikës së Shqipërisë - z. Servet Pëllumbi dhe shumë personalitete të shquara nga jeta kulturore, artistike, shkencore etj.
Ora 20.30 Darka

Qëndrimi dhe akomodimi i anëtarëve të Kryesisë së LSHB-së në Shqipëri i tëri është fiancuar nga z. Ahmet Muça, president i Kolegjit "Kristal".


PROTOKOL NGA MBLEDHJA E KRYESISË SË LSHB-së

Tiranë, 20 shtator 2003


Prof. Dr. Luan Malltezi, kryetar i LSHB- Kuvendi në Shqipëri, u dëshiroi mirëseardhje pjesëmarrësve dhe ia dha fjalën Kryetarit të LSHB zotëriut Simon Kuzhnini për ta udhëhequr mbledhjen.

Zotëri Simon Kuzhnini, me një fjalë rasti i përshëndeti të pranishmit për ta hapur më pastaj Mbledhjen e Kryesisë së LSHB-së duke e paraqitur rendin e ditës si vijon:

Përshëndetja e Kryetarit të Lidhjes Shqiptare në Botë për Shqipërinë-Dr. Luan Malltezi

Hapja e mbledhjes së Kryesisë dhe njoftimi me rendin e ditës - kryetari i LSHB z. Simon Kuzhnini

Referti: Cështje të organizimit të Lidhjes Shqiptare në Botë-Prof. Dr. Riza Smaka

Pyetje, komente dhe debate rreth referatit

Ora 10.30 - Seanca e dytë

Gjendja dhe problematika aktuale e mërgimtarëve shqiptarë - referon z. Nazmi Jakurti, jur. i dipl.

Pyetje, komente dhe debate rreth referatit

Ora 11.00 Seanca e tretë

Lidhja Shqiptare në Botë për Shqipërinë dhe problemet organizative të veprimit të saj - referon Dr. Luan Malltezi

Pyetje, komente dhe debat rreth referatit

Cështja e konstituimit të Këshillit Kombëtar të Lidhjes Shqiptare në Botë - referon Akademik Pajazit Nushi, kryetar i Këshillit Kombëtar të LSHB-së

Pyetje, komente dhe debate rreth referatit

Plani financiar i Lidhjes Shqiptare në Botë - referon z. Xhevat Gjyshinca

Pyetje, komente dhe debate rreth referatit.

Ky rend dite u miratua nga të pranishmit, njëzëri. Në vazhdim Kryetari z. Kuzhnini e ftoi Sekretarin e Përgjithshëm të Lidhjes Shqiptare në Botë, Prof. Dr. Riza Smaka, që të paraqesë referatin e tij në temën : " çështje të organizimit dhe të funksionimit të Lidhjes Shqiptare në Botë ". Në këtë referat Prof. Dr. Riza Smaka, në mes tjerash, thotë :
" Cështja Shqiptare, sëpakut, në qarqet shkencore të mirëfillta, konsiderohet çështje kombëtare e hapur, e pazgjidhur, apo e zgjidhur në dëmin e kombit shqiptar dhe, për aq, në kundërshtim me parimet themelore të së drejtës ndërkombëtare.
Ndërkaq, qarqet shkencore të vëna në funksion të politikave ditore shtetërore, në radhë të parë, të politikave hegjemoniste antishqiptare, çështjen shqiptare e konsiderojnë të mbyllur mirë, madje, të mbyllur në disfavor të entiteve shtetërore dhe nacionale të tyre.
Nga shkaqe më se të ndryshme dhe të shumta, pikëpamjet dhe tezat e qarqeve shkencore në funksion të politikave hegjemoniste, aktualisht, janë më të njohura, më mirë të plasuara dhe, më të advansuara në qendrat ndërkombëtare vendimmarrëse se sa ato të mbështetura në faktografinë relevante historiografike.
Në radhë të parë, pikëpamjet dhe tezat se :
çështja shqiptare nuk ekziston,
çështja shqiptare është e mbyllur apo e zgjidhur drejtë,
çështja shqiptare është një fantom luftënxitës, trazues, në kolizion me trendet e integrimeve regjionale dhe më të gjëra, apo se
çështja shqiptare qenka tendencë për krijimin e Shqipërisë së Madhe, mbështeten në
filosofinë e politikave tradicionalisht antishqiptare dhe në funksion të favorizimeve territoriale të shteteve fqinje me territore të korpusit shqiptar, në radhë të parë, të Sërbisë në kontekstin e statusit politik të Kosovës, por, edhe të trojeve tjera etnike shqiptare…

…Në anën tjetër, poashtu, nga shkaqe të shumta dhe të ndryshme, entiteti politik shqiptar, nuk ka bërë dhe, nëse ka bërë diç, ka bërë krejt pak në funksion të :
plasimit të drejt, objekiv dhe real të çështjes shqiptare, si çështje kombëtare që njëherë, nolens volens, duhet të shtrohet, të trajtohet dhe të zgjidhet drejt, përgënjeshtrimit, diskreditimit, diskualifikimit dhe deplasimit esencial të politikave agjit- propaguese kundër çështjes shqiptare si dhe të sensibilizimit të faktorit politik - ndërkombëtar vendimmarrës në të mirë të zgjidhjes së drejtë, parimore dhe përfundimtare të çështjes shqiptare, të hapur, latente, të pazgjidhur drejtë dhe, immediate për zgjidhje përfundimtare të sajë konform me premisat, postulatet dhe me parimet fundamentale të së drejtës ndërkombëtare si dhe me vlerat e civilizimit bashkëkohor, në përgjithësi…

…Lidhja Shqiptare në Botë, misionin mbarëkombëtar shqiptar e ka përcaktuar në Programin e Punës dhe të Aktivitetit të vetë.
Kryesisht, Lidhja Shqiptare në Botë, me metoda dhe në procedura demokratike, konformë me parimet e themelore të së drejtës ndërkombëtare si dhe, me politikat ndërkombëtare aplikative, të mbështetura në të drejtën ndërkombëtare, ndër të tjera, synon :
Të krijojë ndërlidhje organizative dhe funksionale ndërmjet shqiptarëve përkatësisht formave të organizimeve të tyre kudo që janë dhe jetojnë ;

Të ruajë dhe të përparojë kulturën shqiptare me vlerat e mira të traditës dhe të historisë shqiptare ;

Të mbrojë dhe të advansojë faktorin dhe komponentën shqiptare ;
Të kontribuojë në ruajtjen, përparimin dhe në zhvillimin e gjuhës dhe të kulturës shqiptare ;

Të kontribuojë në zhvillimin shoqëror, ekonomik, politik, kulturor, arsimor, shkencor, teknik dhe teknologjik të korpusit shqiptar ;

Të kontribuojë në zhvillimet dhe në integrimet bashkëkohore ndërshqiptare dhe ndërkombëtare ;

Të influencojë në afirmimin e mirëkuptimit, tolerancës dhe të solidaritetit brenda shqiptar dhe më gjërë ;

Të përforcojë lidhjen e shqiptarëve në botë me Shqipërinë dhe me Kosovën si dhe me trojet etnike shqiptare dhe anasjelltas ;
Të krijojë parakushte themelore për përfaqësimin e interesave të shqiptarëve të diasporës shqiptare në institucionet relevante të Shqipërisë dhe të Kosovës si dhe në vendet në të cilat, shqiptarët participojnë në krijimin dhe realizimin e pushtetit shtetëror ;
Të angazhohet në mbrojtjen dhe për realizimin e të drejtave, lirive dhe të interesave kombëtare shqiptare atje ku ato atyre u mohohen apo u cenohen ;
të kontribuojë për mbështetjen dhe ndihmën e zhvillimeve krijuese të shoqërisë shqiptare, në veçanti, në diasporë, në radhë të parë, nëpërmjet zhvillimit të jetës shoqërore, kulturore, arsimore, informative ;
të influencojë në të mirë të bashkërendimeve vepruese të formave të organizimeve të shqiptarëve në funksion të rritjes së potencialit veprues dhe krijues për zgjidhjen e problemeve shoqërore, ekonomike, sociale, kulturore, arsimore dhe politike të shqiptarëve në diasporën shqiptare si dhe
Të bëjë punë dhe të ushtrojë influencë afirmative në veprimin e organizuar, të koordinuar dhe të sinkronizuar të komponentës shqiptare në të mirë të zgjidhjes së drejtë të çështjes shqiptare.

Lidhja Shqiptare në Botë, bashkëpunon me popujt tjerë dhe me format e organizimeve të tyre në bazë të parimeve universale të lirisë, demokracisë, barazisë, paqës dhe të drejtësisë.
Lidhja Shqiptare në Botë, në funksion të realizimit të misionit të vet, ndër të tjera, në harmoni me të drejtën ndërkombëtare pozitive dhe me parimet fundamentale të saj, ka miratuar akte juridike të përgjithshme përkatësisht legjislacion të vetin dhe, konformë me to, ka ngritur organe për implementimin e normave dhe të mesazheve të atyre akteve… "
Në vazhdim u hap debati rreth ekspozeut të Prof. Dr. Riza Smakajt.
Z. Ali Nikoliqi, anëtarë i Kryesisë Qendrore dhe njëherit Kryetar i LSHB për Zvicër propozoi që LSHB t'u drejtohet organeve zyrtare të vendeve gjegjëse dhe, në formë të shkruar, t'i parashtrojë kërkesat e lartëpërmendura.

Z. Ibrahim Egriu, Kryetar i LSHB për vendet Skandinave u angazhua që të gjendet forma dhe mënyra të finansimit. Të shikohet mundësia e finansimit nga buxheti shtetëror i vendeve ku vepron.

Kryetari Z. Simon Kuzhnini, në vazhdim falënderoi dhe e lavdëroi përfaqësuesen e LSHB-së nga Italia, zonjën Vitore Stefa- Leka, për angazhimin e saj të pashoq dhe të jashtzakonshëm, për humanizmin dhe patriotizmin e saj ; Ai e falënderoi zonjën Merita Bajraktari dhe zotëriun Kolec Traboini (përfaqësues të LSHB nga SHBA-të) për organizimin e LSHB në Amerikë si dhe për veprimtarinë e tyre të çmueshme në Listat Shqiptare në Internet ; Zotëriun Vasil Cesari, gazetar në France 3, për themelimin e Këshillit nismëtar për themelimin e Lidhjes Shqiptare në Botë, për Francë ; Zotërinjtë Ali Nikoliqi dhe Nazmi Jakurti (përfaqësues të LSHB nga Zvicra) për organizime dhe punë shembullore ;
Z. Hasan Hoti, përfaqësues i LSHB nga Prizreni, drejtues i Departamentit të Kulturës në K.K. të Prizrenit : Nuk jemi të organizuar sa duhet. Me konstituimin e Këshillit Kombëtar do të jemi çdo ditë prezent. Të luftojmë për afrimin e Partive politike. T'i shtrijmë dorën njëri-tjetrit për të arrijtur lirinë e merituar.

Z. Vasil Cesari : Në një bisedë me z. Milaim Fejziu dhe me zonjën Vitore Leka, e gjeta veten në mendimet e tyre. Çështja kombëtare nuk është çështje partishë, individësh etj. Por e të gjithë shqiptarëve, pra edhe e LSHB-së. Jemi në shekullin 21 dhe duhet ta kapim vagonin që po vjen me lokomotivën e LSHB. Të bëjmë perfeksionimin e strukturës dhe të finansimit të LSHB-së. Të ngrihet një qendër mbarëkombëtare koordinuese e LSHB-së. A mund të sigurojmë paranë ? Të investohet në një hotel (p.sh. dhjetë katësh) si qendër koordinuese.

Prof. Dr. Orhan Kubati : Arrijtëm që në mënyrë dinjitoze të organizojmë Kongresin e Parë të Lidhjes Shqiptare në Botë, në Prizren. Tani mendoj se duhet të formohen këshillat me komisione si : për ekonomi, kulturë, statistikë… z. Asllan Limani, një afarist nga Prizreni ka dhënë ndihmesë të madhe për organizimin e Kongresit të LSHB. Unë mbaj kontakte të rregullta me diasporën shqiptare në Turqi.

Akademik Pajazit Nushi, Kryetar i Këshillit Kombëtar të LSHB dhe njëkohësisht Kryetar i LSHB për Kosovë : Edhe sot, dy vite pas Kongresit, dokumentet e miratuara në Kongres kanë vlera të pamohueshme (në vazhdim Z. Nushi citoi parimet themelore nga Platforma Kombëtare). Me këtë organizim që kemi, nuk jemi në gjendje që t'i realizojmë synimet që dalin nga programi ynë. LSHB kërkon angazhimin e forcave të reja, zgjerimin dhe ndryshimin e strukturës etj.

Pengesat :

Paragjykimet e fqinjëve tanë ende ndikojnë në ne.

95 vjet pritëm të na lejojnë Maqedonasit të kremtojmë përvjetorin e Alfabetit të Manastirit.

Kisha Ortodokse Serbe, para tri javësh publikoi memorandumin e saj i cili është i ngjashëm me Naçertanjen dhe me memorandumin e Akademisë së Shkencave dhe të Arteve të Serbisë.

Integrimi, bashkimi kombëtar nuk përmenden fare nga politikajt tanë. Sikur u vjen turp !!!

Varfëria e madhe në Kosovë dhe në Shqipëri. Shpërngulja e shqiptarëve nga trojet e tyre.

Ne kemi zënë të thyejmë sistemin e vlerave që kishim: Ne vrasim fëmijë dhe gra, çka nuk bënim më parë.

Në Shkodër kemi lagje të fëmijëve dhe të familjeve në gjak.

Kufinjtë e Kosovës nuk i mbronë askush. Nuk dijmë se kush hyn e kush del në Kosovë.

Qenja e Kosovës, sot është në rrezik !

Toleranca fetare tek ne, nuk është në nivelin që ka qenë.

Kundërshtohet ndërtimi i katedrales në Prishtinë ndërkohë që arabët ndërtojnë xhamija pa pyetur fare. Këto janë gjëra ndaj të cilave duhet të reagojmë.

Për t'i aplikuar dokumentet që i kemi miratuar, duhet organizim krejt tjetër i LSHB-së

Të gjithë popujt flasin për bashkim kombëtar e ne ngurrojmë! Nuk ka shqiptar që do ta kundërshtonte bashkimin kombëtar.

Integrimet Euroatlantike do t'i heqin kufinjtë. Vallë, a nuk duhet që edhe ne t'i heqim kufinjtë tanë?
Pretendimet e LSHB-së janë shumë më të mëdha se sa mundësitë tona.

Propozoj që të formohet një grup (prej tre vetash) dhe të bëjë një projekt: Si të organizohemi?

Në vazhdim, Kryetari z. Simon Kuzhnini pasi e falënderoj Profesorin Pajazit Nushi për referatin e tij gjithpërfshirës dhe të angazhuar, ai prezantoi buletinin e Kongresit të pare të LSHB në Prizren.

- Zonja Vitore Stefa - Leka: Vendimet e shkëlqyera të Kongresit, nuk u përmbushën të gjitha. Të bëhen librezat e anëtarësisë, të paguhet kuotizacioni qoftë ai vetëm simbolik (p.sh. nga një Euro në muaj). Të ndahen këtu ato karta anëtarësie. Të marrim shembull nga Meti Muça që na sponsoroi neve për këtë Kuvend. Z. Vitore Leka foli pastaj për Kolegjin "Kristal" dhe humanizmin e z. Muça. Ndërkaq, për z. Simon Kuzhnini tha se ka punuar shumë kohëve të fundit rreth organizimeve të LSHB në Turqi dhe Francë.

Anders Vesman, Anëtar i Parlamentit Suedez dhe i Kryesisë së LSHB për shtetet Skandinave: " Jam një mik i madh i juaji. Shqiptarët në Suedi më quajnë Anders Vesmani Ilirian, Anders Tetova etj. Jam krenar për emrat me të cilët më quajnë. Jam krenar për Ju. Më keni nderuar me ftesën. Ju falënderoj për buletinin. Jam pak i mërzitur se nuk e kam ditur se ju keni dhënë kontribute për LSHB-në. Dëshiroj edhe unë të kontribuoj për LSHB-në. Rroftë populli shqiptarë i lirë.

- Prof. Dr. Milaim Fejziu, Nënkryetar: "Për here të parë po i japim rëndësi të veçantë formës së organizimit të LSHB. Në Kongres miratuam Platformën, por vetëm e vumë në letër. Si LSHB, por edhe si komb arritëm që platformën tonë ta qesim në letër. Po nuk u mobilizuam në realizimin e jetësimit të saj, do të mbetet një kujtim i mirë, pa dobi. Në fillim të gjithë e përqafuam idenë e LSHB, por kjo nuk është garancë se ne këtë ide do ta implementojmë. Qëllimi ishte të mbajmë gjallë idenë e bashkimit kombëtar. Ne nuk jemi të vetmit që do ta realizojmë bashkimin
kombëtar, por do ta sensibilizojmë faktorin e brendshëm dhe të jashtëm. Krijuam organe, zgjodhëm njerëz, por ja që nuk funksionon siç duam. Mendoj se ende nuk është zgjidhur mënyra e organizimit dhe e funksionimit të brendshëm. Të ndahen detyrat se të gjithë punojmë dmth. asnjëri s'punon. Ende nuk e kemi zgjidhur çështjen e financimit. Unë kam angazhuar një ekspert financiar për të bërë një projekt. Kur të takohemi në mbledhjen tjetër, grupi i ekspertëve do të na raportojnë. Të formohet Instituti Shqiptar për studime strategjike. Të krijojmë një institucion financiar - Bankë. Ta koncentrojmë kapitalin shqiptar, me prioritet ekskluzivisht për integrimin shqiptarë. Në integrimet Europiane do të ballafaqohemi me nivelin e vlerave të cilave, vetëm të bashkuar mun t'u dalim përballë. Të formohet një teatër mbarëkombëtar, të mblidhet ajka e tërë kulturës dhe shkencës kombëtare. Bashkimi kombëtar nuk bëhet me dekret, ai është një proces".

Ahmet Muça, President i Kolegjit "Kristal": "Nuk jam intelektual i madh, por jam patriot. Për çdo vit Ju pres të jeni miq të "Kristal-it". Vetëm një telefonatë ma bëni dhe unë i heq të gjitha shpenzimet. Jeni gjithmonë të ftuar! Do e tundim botën, Kosovën e Shqipërinë, t'u themi se këta janë shqiptarët". Z. Simon Kuzhnini, me këtë rast propozoi që LSHB të miqësohet me Kolegjin "Kristal".

Skender Haxhimusa, ecc. i dipl.: Përshëndeti në emër të LSHB- Ferizaj. Pasi i bëri një rezyme të shkurtër situatës aktuale politike në trojet etnike shqiptare, ftoi për më shumë unitet në mes shqiptarëve.

Prof. Dr. Abdulla Aliu: " Është shumë mirë që jemi takuar dhe propozoj që të dalim me ide konkrete për të ardhmen në mënyrë që ta tejkalojmë këtë stagnim në veprimet tona. Të bëhemi faktor dhe të imponohemi. Të ndihmojë LSHB-ja institucioneve të Kosovës para dialogut shqiptaro-serb! T'i bashkojmë njerëzit me ndikim politik e intelektual në botë. T'i aktivizojmë strukturat e studentëve tanë në botë. Sa më parë të bëhet faqja e LSHB-së në internet. Ne duam të jemi shtet karshi serbisë, por jo edhe karshi Shqipërisë!

Kolec Traboini, përfaqësues i LSHB nga Amerika: "Fjalët tona janë euforike.
Kjo shoqatë do kritere të reja organizimi. Të mësojmë ca nga çifutët. Ata nuk kanë shoqata
Ne kemi këpurdha. Harrojeni anëtarësinë. Ne kemi 15 milion anëtarë në botë.
Të formohet lobi shqiptar i LSHB. Shembulli konkret z. Anders!

Profesor Delvina: "Të rishkruhet historia e Shqipërisë me pjesëmarrje edhe të profesorëve kosovarë, nga Maqedonia, Mali i Zi dhe Diaspora. Një TV I LSHB-së dhe nuk na duhet më shumë".

Nazmi Jakurti, jurist i dipl., sekretar i përgjithshëm i Lidhjes Shqiptare në Botë për Zvicër: Diaspora shqiptare në përgjithësi dhe, veçanërisht ajo në Zvicër, ka dhënë kontributin e vet të pazëvendësueshëm gjatë historisë tonë më të re (mendoj sidomos në tri dekadat e fundit):
- Në fillim në formë të ndihmës materiale për të mbijetuar robërinë dhe për të mbajtur gjallë idenë për çlirimin e Kosovës dhe trojeve tjera shqiptare të robëruara nga sllavokomunistët.
- Më vonë, kësaj forme iu shtua edhe propaganda, demonstratat dhe protestat nëpër Europë dhe Amerikë me qëllim të senzibilizimit të opinionit ndërkombëtar për çështjen e pazgjidhur shqiptare.
- Pastaj më 1998-1999 diaspora shqiptare anëekënd botës, dhe ajo e Zvicrës veçanërisht u mobilizuan për të përkrahur luftën e lavdishme të Ushtrisë Çlirimtare të Kosovës, materialisht e fizikisht.
- Edhe sot, pas përzënjes së hordhive serbe nga Kosova dhe stabilizimit gradual të gjendjes atje, diaspora jonë po jep kontributin e saj të çmueshëm në rindërtimin e vendit përmes investimit të kapitalit të kursyer me vite.
Sot, diaspora shqiptare përballet me vështirësi të shumta si: pamundësia për të
realizuar të drejtën e votimit, mungesa e dokumenteve të udhëtimit, pengesat
byrokratike nëpër organet e përkohshme të administratës etj. Dhe për këtë asnjë institucion a lider i Kosovës sikur nuk çanë kokën fare.
Diaspora shqiptare në Zvicër- dikur hambari i liderëve të Kosovës, sot ndihet e lënë në baltë nga ata që nuk kursenin lavdëratat për te, atëherë tek inkasonin para të majme "për të punuar për Kosovën"!
Lidhja Shqiptare në Botë mundet dhe duhet të bëjë më shumë për shqiptarët në diasporë. Ajo duhet të jetë zëdhënëse dhe avokat i tyre, njëkohësisht.

Dr. Luan Malltezi: "Nuk jemi të vetëdijshëm për potencialin tonë kombëtar. Ne kemi programin më sintetik që kam lexuar ndonjëherë në jetën time. Financat janë një dhe e tëra. Ne nuk pretendojmë se do e zgjidhim çështjen kombëtare. Ne e mbajmë gjallë atë. Zotëri Meti i ka meritat më të mëdha.
- Të bëjmë një shoqatë më autoritative në Shqipëri.
- Të koordinohet LSHB me Biznesin shqiptar.
- Të zgjidhet qështja financiare e LSHB-së

Ahmet Muça: " I premtoj LSHB-së në Shqipëri dhe z. Malltezi një zyrë, me kompjuter, telefon etj. për 15 ditë".

Kryetari Simon Kuzhnini e falënderoi zotëriun Ahmet Muça për përkrahjen dhe zemërgjerësinë e tij ndaj LSHB-së.

Akademik Esat Stavileci: Ju lutem të mos ngazëlleheni me çështjen shqiptare!
- Të shqetësohemi me faktin se po rritemi si popull e po tkurremi si komb!
- T'i bashkojmë fijet e shkëputura!
- Pa qenë mirë në Tiranë, nuk mund të jetë mirë në Prishtinë dhe anasjelltas.!
- Mos të mbajmë fjalime- të mbajmë fjalën!
- Programi është i mirë, por me këtë organizim i pa realizueshëm!
- Të bashkojmë zërin shqiptar!
- Të merremi me kokën e problemit!
- T'i sensibilizojmë miqtë!
- T'i shkurtojmë seancat-të shtojmë efikasitetin!
- Të respektojmë vullnetin e popullit!
- Në Kosovë na ofrohet integrimi europian pa pavarësi!

Kryetari Simon Kuzhnini e falënderoi z. Esat Stavileci.

Zonja Nekibe Kelmendi, delegate në Kuvendin e Kosovës: " Njejtë si prof. Esat Stavileci mendoj edhe unë.
- Të jemi më realist në çasje dhe në metodën e punës.
- T'i identifikojmë objektivat e pastaj t'i hyjmë realizimit!
- Të sensibilizohet opinioni ndërkombëtar!
- Të protestojmë nëpër bote dhe të kërkojmë respektimin e vullnetit të popullit shqiptar!
- Të aderojnë njerëz nga shtetet që nuk na përkrahin sot!
- Pse mos ta kemi një Rus psh. në Lidhjen Shqiptare në Botë?
- LSHB t'i drejtohet OKB-së OSBE-së etj.me kërkesën për respektimin e vullnetit të popullit shqiptar!
- Të vëhen kontaktet me Lobin çifut!
- Kosova të integrohet vetëm me identitet të vetin!

Akademik Pajazit Nushi: Konstituimi i Këshillit Kombëtar të LSHB-së
- Në Statutin e LSHB-së, prej nenit 30-32 (faqe 99-100) janë përcaktuar detyrat e Këshillit Kombëtar.
- Përkrahja e pavarësisë së Kosovës si fazë kalimtare drejtë Bashkimit Kombëtar.
- Tespektimi i domosdoshëm i vullnetit të popullit shqiptar…
Pa seli dhe pa mjete nuk mund të bëhet aktivitet i mirëfilltë. Është vështirë të mblidhen shumica e anëtarëve të Këshillit andaj propozoj që të nxirret një rregullore sipas së cilës mund të merren vendime edhe pa shumicën.
- Mbledhja e parë e Këshillit Kombëtar të LSHB të mbahet deri në fund të vitit 2003 në Shkup.

Kryetari z. Simon Kuzhnini: foli rreth planit financiar të LSHB-së në mungesë të referuesit të paraparë z. Xhevat Gjyshinca.
- Deri më tani ne kemi punuar vetëm falë vullnetit të mirë.
- Të caktohen 5 anëtarë të Kryesisë për të hartuar një projekt rreth themelimit të fondit të LSHB-së.
- Të themelohet një Bankë Kombëtare që do t'i mblidhte mjetet nga diaspora shqiptare.
- Të dërgojmë një telegram parlamentit suedez me rastin e vrasjes së Kryeministres suedeze nga një serb.

Z. Bahri nga Gostivari:
- Zhvillimi i trojeve shqiptare në Maqedoni
- Financimi të bëhet në bazë të Statutit.
- Në Maqedoni veprojnë 25.000 ndërmarrje shqiptare.
- Vetfinancimi: Të themelohet një Bankë qendrore.
- Teksti i buletinit të përkthehet edhe në anglisht.



Tiranë, 20 shtator 2003
Nazmi Jakurti,
Procesmbajtës