lshb.ch

LIDHJA SHQIPTARE NË BOTË
ALBANISCHER WELTBUND
ALBANIAN WORLD FEDERATION
Zvicër - Schweiz - Switzerland

Shefit të Administratës së Kombeve të Bashkuara në Kosovë
Zot. Haekkerup

Lidhja Shqiptare në Botë, me në krye me kryetarin zot. Simon Kuzhnini, e cila me shumë sukses po funksionon në disa shtete të Europës dhe Amerikë, po përcjellë me shumë vëmendje zhvillimin e ngjarjeve në Kosovë, para dhe sidomos pas luftës.

Gjatë analizave të shpeshta që i kemi bërë gjendjes në Kosovë, e sidomos gjatë kësaj periudhe që Ju drejtoni bordin administrativ të Kosovës, kemi konstatuar se Kosova po ecë drejtë një stabilizimi politik e ekonomik. Pasojat nga lufta tragjike janë shumë tmerruese, andaj edhe detyrat që janë parashtruar para Jush janë të një përgjegjësie të veçantë.

Duke qenë të vetëdijshëm për misionin Tuaj të shenjt, të cilin po e udhëheqni me plotë dinjitet dhe sukses, kemi nderin dhe kënaqësinë të Ju falënderojmë dhe të shprehim konsideratën tonë të lartë për kontributin Tuaj shumë të çmuar për të cilin janë mirënjohës të gjithë shqiptarët në botë e posaqërishtë ajo pjesë e popullatës e cila drejtëpërsëdrejti ishte e prekur nga kjo luftë e përgjakur në Kosovë.

Është konstatim i të gjithë shqiptarëve, por mendojmë edhe i Juaji, se Kosovë të lirë pa lirimin e të gjithë të burgosurve shqiptarë që vuajnë nëpër burgjet serbe, nuk mund të ketë. Ju personalisht jeni angazhuar me të gjitha forcat drejtë një zgjidhje fatlume për ta me ç´rast edhe njëherë shprehim falënderimet tona të përzemërta.

Një delegacion i Lidhjes Shqiptare në Botë ka shprehë dëshirën të takohet me Ju që drejtëpërsëdrejti t´Ju shprehë falenderimet e saja, njëherit për tu konsultuar me Ju rrethë dy çështjeve:
1. Të gjithë shqipëtarëve që punojnë në shtetet perëndimore t´u jepet përparësi që të paisen sa më shpejtë me dokumente udhëtimi. Ju njoftojmë se bashkëatdhetarët tanë të punësuar në Zvicër, Gjermani e në shtetet tjera perëndimore sot janë vu në një gjendje vërtetë të vështirë me rrezikim të statusit të tyre të qëndrimit në këto shtete.
Shumë prej tyre e kanë të rrezikuar edhe vendin e punës me ç´rast drejtëpërdrejtë do të rrezikohej edhe pozita sociale e popullates në Kosovë.

2. Shqiptarëve kosovar të punësuar në shtetet perëndimore tu mundësohet udhëtimi për në Kosovë drejtëpërdrejtë nëpërmjet të aeroportit të Prishtinës e kurrsesi nëpërmjet të aeroportit të Shkupit ngase në Maqedoni maltretohen në mënyra të ndryshme si psiqike, fizike dhe me plaqkitje (mjetet financiare). Kjo do të arrihej me shtimin e numrit të fluturimeve për në Prishtinë.

Do të na kishit bërë një nderë shum të madh që, përkundër angazhimeve të Juaja shumë të mëdha, të na rezervoni një termin për takimin tone, mundësisht brenda këtij muaji.

Duke Ju përshëndetur përzemërsisht, shprehim konsideratën tonë të lartë për Ju dhe shpresojmë në mirëkuptimin tuaj në realizimin e kërkesës sonë.

Basel, 11.09. 2001
Kryesia e Lidhjes Shqiptare në Botë për Zvicër
Kryetar: Zot. Ali Nikoliqi