lshb.ch

Extrakt nga procesverbali i mbledhjës së Këshillit iniciativ për organizimin
Kuvendit të Lidhjes Shqiptare në Botë për Zvicër

Takimi u mbajtë në lokalet e Këshillimores shqiptare, Gempenstrasse 27,
4053 Basel, me datë 28 Maj 2000, në ora 17.00.

Mbledhjen e hapi Dr. E. Pula i cili përshëndeti të gjithë të pranishmit e posaqërisht zot. Simon Kuzhnini, Kolonel Tahir Zemaj dhe Agim Mehmeti.

U prezentue ky rend i ditës:

• Fjala hyrëse e zot. Simon Kuzhnini,
• Fjala përshëndetëse e mysafirëve,
• Zgjedhja e kryetarit të Këshillit inicues,
• Zgjedhja e Kryesisë së Këshillit inicues,
• Përgaditjet për mbajtjen e kuvendit themelues të Lidhjes Shqiptare për Zvicër
• Caktimi i vendit dhe datës së mbajtjes së Kuvendit,
• Zgjedhja e komisionit për çështje teknike të Kuvendit,
• Të ndryshme

Pika 1: Fjalën e mori zot. Simon Kuzhnini i cili pasi që përshëndeti këtë takim si dhe mysafirët foli për rëndësinë e këtij takimi shumë me rëndësi për organizimin sa me më sukses të kuvendit të Lidhjes shqiptare në botë për Zvicër. Duke folur për qëllimet e këtij organizimi si dhe ecurinë dhe përvojën e fituar në mbajtjet e kuvendeve në vendet tjera në Europë zot. Simon uroi për punë të mbarë njëherit i ftoi të gjithë të pranishmit që të nderojnë me një minutë heshtje të gjithë dëshmorët e ramë për lirinë e Kosovës.

Në vazhdim zot.Simon i ftoi të gjithë anëtarët e Këshillit që të përqëndrohemi në përgaditjet e Kuvendit dhe mos të lihet asnjë hapësirë për ndonjë dështim.

Pika 2: Takimin e përshëndeti edhe Kolonel Tahir Zemaj si dhe eprori zot. Agim Mehmeti.

Pika 3: Zot. Simon Kuzhnini propozoi se do të ishte mirë që së pari të zgjedhet kryetari i këshillit inicues i cili do të udhëheqë me këtë këshill.
Pas shumë diskutimesh, me vota unanime, për kryetarë të këtij këshilli u zgjodh zot. Ali Nikoliqi i cili u zotue se do të kryej me nderë të gjitha obligimet.

Pika e 4: Zot. Simon Kuzhnini propozoi që të zgjedhet kryesia e këshillit iniciativ me ç`rast u propozuan dhe njëherit u zgjodhën këta kandidatë:
1. Ali Nikoliqi
2. Nazmi Jakurti
3. Enver Pula
4. Ismet Limanaj
5. Kristë Coli
6. Avdyl Gërvalla
7. Mehill Berisha
8. Vjollcë Rizvanolli
9. Violetë Domi
10. Naim Kelmendi
11. Shefqet Jashari

Pika 5: Për këtë pikë fjalën e mori zot. Ali Nikoliqi i cili propozoi që së pari të caktohet data e mbajtjes së kuvendit. U vendos që kuvendi të mbahet me me 25 Qershor 2000.
Zot. Nazmi Jakurti propozoi që si vend i qëlluar do të ishte restauranti Schlossgut në Münsingen.

Pika e 6: Për pikën e 6-të ndryshme e mori fjalën zot. Simon Kuzhnini i cili propozoi që të organizohet një protestë pranë OKB-së në Zhenevë, për lirimin e të burgosurëve shqiptarë nga kazamatet serbe. Në vazhdim doli propozimi që kjo detyrë t`i besohet Univerzitetit popullor Shqipëtar në Zhenevë i cili do të kujdesej rreth sigurimit të lejes nga organet kompetente të Zhenevës për mbajtjen e protestës.

Zot. Simon Kuzhnini Propozoi që të ftohen akademikët tanë të nderuar prof. Dr. Esat Stavileci, prof. Dr. Pajazit Nushi, dy nana nga Gjakova, Zot. Pjetër Arbnori e të tjerë.

Takimi i kreu punimet në ora 22.15.

Mbledhja e ardhshme u caktue për datë 11.06.2000 në ora 18.00.

Me këtë rast Këshillimorja Shqiptare shtroi darkë solemne në Restorantin CENTRO në Basel( 25 veta).


Basel, me 08.06.2000
Procesmbajtës: Ali Nikoliqi