lshb.ch

E enjte me 12 tetor 2000

Në ora 11.00 vizituam selinë e PSHDK-së ku u pritëm nga kryetari i saj akademik prof. Dr. Mark Krasniqi, zot. Nazmi Halimi-nënkryetarë, zot. Simon Augustini-sekretar dhe nga anëtarë të tjerë të kryesisë. Ishte një pritje vërtetë e ngrohtë dhe shumë miqësore.
Në fillim prof. Mark Krasniqi dhe zot.Nazmi Halimi na njoftuan për aktivitetin e PSHDK-së si dhe punëve rreth përgaditjeve për mbajtjen e zgjedhjeve.
Në vazhdim delegacioni i ynë e njoftoi PSHDK-në me aktivitetet e LSHB-së si dhe me qëllimet e ardhjes së delegacionit tonë në Kosovë si dhe me përgaditjet për mbajtjen e një proteste në Gjenevë.

Në ora 14.00 vizituam Akademin e Shkencave dhe të Arteve të Kosovës. U pritëm nga kryetari i Akademisë prof. Nexhat Daci. Delegacionit iu dëshirue mirëseardhje. Në vazhdim prof. Dr. Nexhat Daci na njoftoi për aktivitetin e Akademissë si dhe për planet në të ardhmen. Në këtë aspekt prof. Daci na njoftoi për arritjen e pëlqimit për botimin e Enciklopedisë shqiptare në bashkëpunim me ASHA të Shqiperisë si dhe për përgaditjet për botimin e një monografie për Kosovën e cila për herë të parë do të shkruhet nga shkencëtarë vetëm shqiptarë.

Në ora 15.00 vizituam KMDLNJ në Prishtinë. U pritëm nga kryetari i këtij këshilli prof. Dr. Pajazit Nushi, akademik prof. Dr. Esad Stavileci dhe prof. Dr. Vehap Shita. Me Punën dhe aktivitetin e këtij Këshilli për mbrojtjen e të drejtave dhe lirive të njeriut si dhe angazhimet rreth lirimit të të burgosurve shqiptarë na njoftoi kryetari prof. Pajazit Nushi.