lshb.ch

Lidhja Shqiptare në Botë
Albanischer Weltbund
Albanian World Union
Zvicër-Schweiz-Switzerland

E-mail: a_nikoliqi@yahoo.com

Komesariati i Lartë për mbrojtjen e të drejtave dhe lirive të njeriut pranë
OKB-së Gjenevë
- Zonj. Mary Robinson -

E nderuara zonja Mery Robinson

Para se të filloj të Ju shkruaj këtë letër, dëshiroj nga zemra të Ju falënderoj për pritjen që kabineti i Juaj i bëri delegacionit të Lidhjes Shqiptare në Botë, me datë 24.10.2000, në përbërje të të cilit ishin edhe dy nëna nga Kosova, të cilat përfaqsuan të gjitha nënat nga Kosova, bijtë e të cilave mbahen pa të drejtë në burgjet serbe.

Lidhja Shqiptare në botë është në kontakt të vazhdueshëm me nënat kosovare, të cilat përherë, e sidomos në këto momente dramatike, na drejtohen me lutjet e tyre që të vejmë kontakt të drejtëpërdrejtë me Ju, për të parë se si mund të u ndihmojnë bijve e tyre në burgjet serbe.

Atë ditë delegacioni i ynë dorzoi një rezolutë të nënshkruar nga të gjithë anëtarët e delegacionit, kurse dy nënat kosovare dorzuan një peticion (Libri Nr. 7) me 13300 nënshkrime vetëm nga Komuna e Gjakovës.

Argumente lidhur me rezolutën paraqitën prof. Dr. Pajazit Nushi, kryetar i Këshillit për mbrojtjen e të drejtave dhe lirive të njeriut në Prishtinë dhe prof. Dr. Esad Stavileci profesor i fakultetit juridik.

E nderuara zonja Robinson, të burgosurit shqiptarë në Serbi po e përjetojnë një dramë të vërtetë. Ngjarjet e fundit në burgjet serbe tronditën zemrat e të gjitha nënave por edhe të të gjithë shqiptarëve në botë. Jemi në ankthë se mos po ndodhin masakra të reja ndaj shqiptarëve në burgjet serbe.

Sot nënat shqiptare, nga qëndrimi i faktorit ndërkombëtar, po ndahen padrejtësisht në dy grupe: 1) nënat që kanë bijtë e tyre në burgje dhe në një mënyrë dijnë për fatin e tyre dhe 2) nënat bijtë e të cilave janë futur në grupin e të zhdukurve edhepse ne mendojmë se ata persona janë arrestuar nga policia dhe ushtria serbe dhe ata që i morën me vete këto pengje, e dinë saktësisht vendndodhjen e tyre.

Ngjarjet e fundit tragjike, me rastin e rebelimeve në burgjet serbe me ç´rast digjen burgjet ku ndodhen shqiptarët e burgosur, kanë tronditur gjithë botën shqiptare.Ju bëjmë me dije se nënat shqiptare pa ndërprerë po qëndrojnë në rrugë para zyrave të UNMIKUT duke kërkuar ndihmë për më të dashurit e tyre.

Nënat kosovare kërkojnë dhe lutën me duar të ngritura nga Ju zonjë e nderuar Robinson, që në këto momente shumë dramatike, të ndërmerrni urgjentisht të gjitha masat për lirimin e bijve të tyre. Përndryshe shumë nëna deklarohen se do të hyjnë në grevë urie drejtë vdekjes nëse nuk lirohen të gjithë të burgosurit pa seleksionim. Ato Ju lusin që të bëni çmos që të shkurtoni vuajtjet e bijve të tyre të pafajshëm në burgjet serbe.

Të gjitha nënat janë të lidhura shumë me Lidhjen Shqiptare në Botë dhe kanë një besim shumë të madh në ne. Ato presin me padurim të takohen me Ju personalisht ngase si duket Ju keni mbetë e vetmja shpresë për fëmijtë e tyre.
Nëse Ju gjeni kohë për tu takuar me nënat kosovare, ne Lidhja Shqiptare në Botë (2 anëtarë) do të ishim shum të nderuar për t´Ju shoqëruar për në Kosovë.

Duke pritur me padurim përgjigjen Tuaj, Ju përshëndesim përzemërsisht.


Basel, me 08.11.2000
Lidhja Shqiptare në Botë-Zvicër
kryetar :Ali Nikoliqi